زعمة نحلم وإلا حقيقة وإلا جنون

البارحة فقط طرحت هذا السؤال علي نفسي أبي محمد من مواليد 1927 عرف في حياته 3 بايات كان صحيح وكم من الحكومات الفرنسية والزعماء الفرنسيين إلي حد سنة 1956 وعندما حل الإستقلال المجيد تسلط عليه رئيس لمدة 31 سنة ثم وهو في خريف العمر وبعد التقاعد بسنة قدم عليه صاحب الهالة المجيدة ليكمل له مشوار عمره . صدقوني في بعض الأحيان ينتابني شعورغريب عندما أشاهد الحملات الإنتخابية في بلادهم وحتي في بعض البلدان الإقريقية منافسة وتنافس ومناقشات إلي غير ذلك ونحن هنا بلد التقدم وملتقي الحضارات وبلد التسامح وهات ماك اللاوي لا نري من ذلك شيء.
تعبت نمت وأيقضني أبي : اليوم ستكون بداية الحملة الإنتخابية في تونس بمناظرة تلفزية بين المرشحين للرئاسة بن علي الشابي مصطفي بن جعفر حمة الهمامي ..0......
الحومة فارغة وبدأت النقاشات والأسئلة تطرح من طرف معز بن غربية . إنتهت المناظرة علي موعد مع مناظرة جديدة في نهاية الحملة كل واحد في البيت إختار رئيس وعمل علم والإنتخاب سيتم عن طريق بطاقة التعريف والخلوة إجبارية ومنت يجدونه أمام باب مراكز الإقتراع يتم إيقافه الحرية في الإنتخاب للجميع والذي يفوز صح ليه
وجاء يوم الإنتخاب والناس الكل مشات ومابقي كان المهبول والصغير والمريض وسهرت الناس تستني في النتائج قدام مقرات الأحزاب وخسر صاحبنا وخرج يهني في الفايز ويعترف بالهزيمة
فيق علي روحك يا أبوآلاء ويني الرجال ويني العباد وينوا الزمان تحلم بوك محمد خير منك عاش الحرية وقت الإستعمار وعرف العبودية وقت الأستقلال
أنا لست من أنصار الإستعمار ولكن مافعلوه بنا أصحاب السيادة جعلونا نشك في قيمة الإستقلال

إلى قناة الحوار التونسي و النساء الديمقراطيات

لا أنكر أنني من مشاهدي هده القناة كلما سمحت لي الفرصة رغم بعض الملاحظات على صاحبها وكثرة إستضافتها أخيرا للمدعو بسيس
يوم الإربعاء 10 أكتوبر تم تقديم أمسية رمضانية للنساء الديمقراطيات فرحت أنها مازال في بلدي من يناضل ويتحرك ولكن مالفت إنتباهي هو أنه مازالت نفس الكليشيات القديمة في تعليقات الحاضرين وخاصة الشاعرة التي تدخلت وهزة ونفضت وقالت الإمبريالية المتعاونة مع السلفية وهات ماك اللاوي نقول سي حسين والنساء الديمقراطيات وقناة الحوار الآتي:
يعيشكم ثقفوا رواحكم وماتشدوش في ريق السلفية والإمبريالية المتعاونين يابنتي أكثر ناس مفتقين بعضهم بالحرب هوما السلفيين والأمريكان ونقولك السلفية راهي أنماط : سلفية تقليدية سلفية جهادية سلفية معاصرة إمشي أبحث وبعد أحكي
قناة الحوار باهيا وتعجب أما ياخويا الطاهر (كان تحب أما نعرف إلي إنتي تعجبك كلمة رفيق)راني نمرض بالعصب كيف نلقي برهان (الكذاب) بسيس ربي يهديك راني وين راه نمرض ويطلعلي العصب يزينا منوا
جمعية النساء الديمقراطيات: تقبلوشي معاكم نساء لابسين الحجاب نعرف إلي تقولوا لا باهي الأمسية متاكم علاش سميتوها رمضانية ونتم ورمضان متعاركين

كل عيد والمدونون الشعبيون بخير

عيدكم مبارك (صايمين وفاطرين)
تحية إلى كل المدونين الحاملين لهموم هذا الشعب , تحية العيد لمن أستمتع يوميا بقراءة كتاباتهم جمهورية قاسم المشاغب أفكار ليلية الشنفرة الناقد غدوة نحرق وإلخ.....
كل عيد وأنتم بخير وآلاء بخير وربي يزيح الغمة وينفس علي الأمة في أقرب وقت