مضت مدة ولم أدون أي شيء ربم شغلتني الدنيا ومشاكلها وربما كثرت الغزول على الوضع شيء فدد حقيقة.
منين نبدي نحكي قسما عضما كان موش على خاطر آك الكتكوتة آلاء وأمها العزيزة راهو واحدرحل من البلاد معاد يعجب شيء الغلاء والكواء والقلبة والصبة و الفساد ودار الخلاء بايعت اللفت والعزوزة هازها الواد وتقققققققققول العامة صابة.
البارح نحكي إنة والمراء معندنش 3سنوات عرس
كنت نشري ستيكة حليب نعطي للعطار 4دينارات يرجه الباقي البارح عطيطو 5 قال زيد الكل قالك ينكتو شراء برشة جوارات للترجي يلعن الترجي والإفريقي والمرسي والكل مع الخبزة دبوزة القاز كانت ب4 واش والآن 7 وغدوة 7.50 ............
الناس الكل لاهيا في الكان غانا غينيا مالي مصر العباد هبلتها الكورة التلفزة التنونسية أصبحت مرتعا للمعلقين والمحللين والله حلفت ما نتفرج في حتي تحليل وأي تعليق نتفرج في الأروسبور شماتة
في الخدمة الأيامات جابوماكينة وأصبح الحضور بالبصمة والخروج بالبصمة قالك الفصعة ماعادش حتي المشرب يحل بالوقت أصبحنا في غوانتانامو مقنع أي قالك ماعادش تنجم تقول حتي شيء علي خاطر كل شيء يوصلوه قتلك راني فديت من الصبة والقوادة
ربي يسطر وين ماشية الدنيا بينا راني تقول نحلم معادش فمة رجولية الناس خايفة من بعضها ما يطمانو كان كي يتفرجوا في طرح كورة علي خاطر الكل ينجمو يسبو لومار الديمقراطية كان باش تسب لومار وحدها الرياضة كيما جماعت بالمكشوف
نخليكم علي خير وربي فضلي آلاء وأمها ومارضاء الله إلا برضا الوالدين (محمد وفاطمة)
والسلام
